東方日報C1:動作演員高飛前列腺癌病逝
20170401
東網電視
更多新聞短片
![](/hk/bkn/cnt/entertainment/20170401/photo/bkn-20170401030527704-0401_00862_001_01p.jpg?20170401075426)
R.I.P.
資深電影人高飛前晚因癌病離世,享年65歲。於七、八十年代演活奸人角色令觀眾留下深刻印象的他,現實中是一位好丈夫、好爸爸,兩年前太太因病離世,兒子Jimmy亦中風,飽受喪妻之痛的高飛,放下傷痛盡心盡力照顧兒子,就算年半前驗出患上前列腺癌都輕鬆面對,應不想中風兒子擔心,至最近兩個月,病情惡化亦一直隱瞞,怎料前晚不敵癌魔。面對慈父逝世,Jimmy一時間難以接受,泣不成聲說:「佢話會好得番㗎!」
70年代拍過不少經典電影的資深電影人高飛(原名:林伯恆),前晚九時許因前列腺癌於大埔區醫院病逝,1952年出生的他早年演出過不少大反派而讓觀眾留下深刻印象,分別做過導演、動作指導、監製等多個位置的高飛,拍過逾百部電影,包括《老虎出更2》、《過埠新娘》、《皇家飛鳳》及《極度重犯》等,絕對是影壇全才,前晚離世令不少圈中人深表哀痛!
照顧愛兒 隱瞞病情
昨日高飛獨子、42歲的林志強(Jimmy)接受電話訪問,受喪父之痛的他全程飲泣,對父親的離世大表不捨:「3月29日爸爸突然好唔舒服,自己叫救護車入咗醫院,我夜晚去睇佢,佢都好好嘅,仲好有中氣同我傾偈,之後我先知原來佢打咗強心針頂住,到30日,情況就愈嚟愈差,跟住就離開咗。兩年前媽媽因為爆血管離世,之後我就中咗風,爸爸一直照顧我,扶我去做物理治療,佢最大嘅心願係希望我好番。到年半前,佢驗到自己有前列腺癌,當時佢仲好輕鬆咁同我講冇問題、醫得到,一定會好得番,點知……」說到此處,Jimmy已泣不成聲,待會才能續說:「佢一直隱瞞我,冇話畀我聽原來咁嚴重,我亦以為佢會好番,直至兩個半月前,應該開始惡化到末期,佢都忍住痛冇同我講,29日佢入院仲打針同我傾偈,等我仲以為冇乜事,點知原來咁嚴重。」
問到高飛生前有甚麼心願?Jimmy說:「爸爸搞過一隊足球隊『國際聯盟』,佢一直都好想搞番,同埋爸爸之前都一直想復出再做導演。(爸爸身後事打算點安排?)我自己中咗風都唔行得,爸爸嘅身後事應該交畀姑媽處理。」據知,高飛暫停工作超過十年,Jimmy亦因中風要休養未有工作,故其家庭經濟狀況不太理想。
生活拮据 欠租四月
因高飛父子一直受病魔纏擾,大部分積蓄已用作醫病,因而經濟拮据。高飛生前好友尹揚明昨向傳媒透露,高飛父子居住的大埔寓所欠租幾個月,業主要求Jimmy四月底要遷出,喪父之痛再加上居住問題,情況令人擔憂,而尹揚明昨亦曾到大埔探望Jimmy,着對方不要擔心,他會與高飛一班好友出手幫忙:「仲有我哋喺度,冇嘢做都唔會餓死,依家最緊要搵地方畀佢住,我會試吓同大埔區議員聯絡,希望社會福利署幫到佢。」而Jimmy昨再受訪亦承認:「之前醫病又冇工作,近期經濟唔係咁好。(欠租幾耐?)四個幾月,大約四萬幾蚊,頭先尹揚明嚟探我,我都有將我嘅問題同佢傾,多謝佢嘅好意,之後見步行步。」藝人何華超亦在社交網上呼籲各界捐款幫助Jimmy。
更多新聞,請瀏覽東方日報網頁: