58歲美魔女米雪菲花逆齡冇走樣

荷里活著名女星米雪菲花（Michelle Pfeiffer）一向出名保養得好好，雖然接近「六張」（58歲），但佢望落去頂籠似40幾歲。最近米雪上雜誌《Interview》四月號封面，今次係佢自1988年之後首次再做《Interview》封面女郎。一向甚少接受訪問嘅佢，為谷新片《Mother！》宣傳而受訪。

米雪於訪問中表明自己沒有接受過任何演技嘅訓練，自己只係喺日常生活中學習。自13年的《麻辣黑幫》（Malavita）後冇再拍戲嘅米雪近期全面復工，除了拍《Mother！》之外，佢亦同羅拔迪尼路（Robert De Niro）繼《麻》之後再合作拍攝HBO電視電影《The Wizard of Lies》，而米雪主演嘅新版《火車謀殺案》（Murder on the Orient Express）亦將於今年年底上映。雖然近年甚少拍戲，但米雪坦承永遠唔會失去對演戲嘅愛，佢話片場畀到佢有家嘅感覺！

米雪喺訪問中憶述1983年拍攝代表作《疤面煞星》（Scarface）嘅情況，佢指自己拍攝時好驚，因為成套戲得佢同Mary Elizabeth Mastrantonio係女性，而阿爾柏仙奴（Al Pacino）嘅角色又好輕視佢，因此佢試過喺拍攝期間喊住入睡。