張名雅微露線頭孖老公仔仔晒全家福

前港姐冠軍張名雅日前就順產生B仔，仲改咗囝囝嘅英文名做「Mario」，而呢位新手媽媽早前仲喺社交網就話餵人奶過程好辛苦，不過見到囝囝食得好舒服，都覺得非常值得。而今日名雅就一家三口出動，仲喺社交網同網友分享三人嘅合照，就話：「星期六我地（哋）出街街～我地（哋）去影靚靚 new born 相咯#babymario #happybaby #笑多D。」相中就見到名雅晒出輕微嘅事業線，上圍亦明顯更為豐滿，相信係餵人奶嘅關係所致，而囝囝Mario就瞓得好舒服，唔少網友都紛紛留言大讚張相好溫馨，簡直係幸福滿瀉，仲話名雅流露一種好慈母嘅感覺，亦讚名雅生咗冇耐都仲係咁靚！