傅嘉莉咀洪永城零尷尬:係理性動作

20170401
東網電視
更多新聞短片
傅嘉莉指佢同洪永城拍之前已經排練過㗎喇~
無綫藝員傅嘉莉在劇集《我瞞結婚了》與洪永城感情糾纏不清,酒後意亂情迷,有不少親熱激情場面。傅嘉莉與洪永城已經第三度合作,她形容咀戲只是「動作畫面」:「其實拍之前排練過,對好晒位,冇任何感情,只係理性動作,大家都好專業,唔會有尷尬。」
唔識對男友講大話
劇中傅嘉莉被欺騙感情,現實中可有不幸遭遇?她笑說:「希望我唔知,暫時就冇,如果做到我唔知都OK㗎,知道真係幾傷心。」傅嘉莉亦沒有花心一腳踏兩船,她說:「我絶對處理唔到,一定會有破綻,男仔或者可以對幾個有好感,女仔就唔得,如果一鍾意就係嗰個,有幾個都幾難分配時間,左瞞右瞞,講大話係一門好高深學問。」
等待最好嘅出現
傅嘉莉認為將來的男友要眼中只有她,現在沒男友暫時就在拍劇時感覺一下就好,單身多時的傅嘉莉笑言現時與TVB拍拖及結婚,她說:「有男仔追,係慢慢知道佢對我有好感,幾年來仲可以保持,好長情好真心,但開始變成朋友感覺,可能大家都唔捨得好舒服嘅朋友關係,所以未能夠再進一步,好似好多劇想帶出嘅訊息,最好嘅都值得等待。」
髮型:Ray Mork@Fifth Salon
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon