羨慕敏之！張美妮出齊性感刺激嘢趕生B

藝人張美妮今日出席網絡足球遊戲活動，「大開中門」的她經老公提點才增強防走光措施，認真大懵。她透露近日老公忙於籌辦新餐廳，所以冷落自己：「佢可以一星期7日都唔放假，有時我忍無可忍失控，佢就解釋番畀我聽佢做緊啲乜，我冷靜咗會同佢道歉。」

美妮指老公的興趣是做生意：「佢追我嗰兩年放低咗事業，已經覺得唔應該。（又話想生3個，仲未有聲氣？）係呀，我同陳敏之同年結婚，佢都有BB啦。我依家將要求降低咗，生2個都可以。（考慮人工受孕？）身邊好多朋友都有咁嘅提議，有朋友仲生咗孖胎，坦白講我睇咗醫生，但仲想靠自己努力吓先，心目中都有時間嘅，如果唔得就行呢步囉。」

美妮補充等新餐廳開業後，自己已約定老公出埠旅行，且笑謂：「到時刺激嘢、性感內衣全部出齊，希望有幫助啦。」