【男人的浪漫】何浩文孖陳志健玩轉長洲

20170402
東網電視
更多新聞短片
其實仲有黃子恆(左一)呀!

何浩文(Dominic)早前與陳志健(Otto)、黃子恆等合作TVB節目《玩轉香港日與夜》而成為好友,昨晚他約同Otto齊齊相約於餐廳,在社交網站玩直播共渡愚人節。兩男在直播中盡展所長,以廣東話、普通話、英語三語廣播回覆各地網民,期間亦徇眾要求講爛gag及唱歌,期間一名外籍女顧客見兩位型男玩到嘻嘻哈哈不亦樂乎,主動要求集郵,認真有艷福。

Dominic講到在節目中齊齊玩轉長洲,他笑言:「今次係去長洲比較冷門嘅地方,去咗一個叫西園嘅營地,有障礙賽、平衡車、印弟安營,去嘅地方我連聽都未聽過,以前去長洲最多咪租間度假屋hea吓,所以呢次都係一個好體驗。」此行又食又玩,Dominic指整個旅程令他印象最深刻的是「男人的浪漫」,笑言與首次合作的Otto相當投契:「最好玩係同Otto同埋子恆合作,尤其同志健唔使點跟稿就撞到啲嘢出嚟,我哋第一日就講好多以前細個嘅百厭史,所以第一日就friend咗。」