Supper Moment自認跳舞差：無謂獻醜

樂隊Supper Moment為協青社街舞劇客串，在劇中獻唱幾首歌。受訪時他們表示以前是協青社職員，故今次來玩吓兼聚舊，問到之前有否演出過類似的劇？他們謂：「冇接觸過，不過其實今次都唔係做角色，都係做番Supper Moment，所以佢哋好畀面我哋，唔使我哋記對白。（下次會唔會想演出吓？）唔好挑戰，音樂都未搞掂，搞掂自己本業先。」講到他們演出時後面有年青人伴舞，問到主音Sunny為何不跳埋一份？他們即笑言：「無謂獻醜，我哋後面嗰啲叫做舞者，所以唔敢喺佢哋面前獻醜，費事畀人勸都係唔好跳啦。」