湯鍾斯喪妻後見治療師：停止工作等於死

76歲威爾斯老牌男歌手湯鍾斯（Tom Jones）結婚59年的太太Linda去年因癌症離世，休息一段時間的他曾傳因太傷心而決定退休，幸而月前復出開騷及為英版《完美SING戰》（The Voice）擔任評審。

湯鍾斯近日受訪時自爆太太離世後，愛子見他不時匿於房中，而且唔想離開張床，最後叫他去見治療師，治療師勸他向前望，否則就會死。湯鍾斯自言當時成個腦都係諗住仔女同孫仔，話做英版《完美SING戰》評審有助佢康復：「停止工作就等於死，我死咗先會唔再做，我唔會長時間休息唔做嘢，我唱歌嘅時候感覺更加開心。」