ViuTV 《午夜伴廊》破格劇情引你共鳴

20170403
東網電視
更多新聞短片
《午夜伴廊》,大家記得收睇喇!

金像獎最佳男配角及最佳新演員雙料得主白只,得獎後轉戰電視圈,率領他的樂隊組合朱凌凌成員,炮製自編、自導、自演笑中有淚的另類劇集《午夜伴廊》,白只與他的兄弟們希望透過這個香港電視圈少見的誠意製作,帶出香港夢想與價值,讓香港人看出共鳴!

金句無數

ViuTV將於4月3日晚上9時半,推出該台首個每周連續播足5晚的本地劇集《午夜伴廊》,作為打頭陣的劇目,ViuTV特別請來白只,這位金像獎最佳男配角及最佳新演員雙料得主,率領他的樂隊組合朱凌凌成員:朱栢康、朱栢謙、楊偉倫及陳文進,自編、自導、自演共同炮製這個勁多搞笑gag、數之不盡金句,又有舞台劇感覺的心血結晶,絕對另類,結局出乎觀眾意料的劇集!

鼓勵大家追夢

白只坦言《午》是朱凌凌嘔心瀝血之作,他說:「起初ViuTV想搵我哋做綜藝節目,我哋反建議:不如拍劇!《午》係我哋5、6年前寫嘅劇本,當年有投資方想開comedy channel,喺網上睇到朱凌凌嘅片就搵我哋合作,當年寫咗13集,每集半個鐘嘅劇本,但後尾因為一啲原因開唔成,今次我哋將之前內容再modify做20集,講歌廳裏面嘅樂手追夢,想玩自己音樂但冇人吼,無奈只能向現實低頭,唯有放棄結他夢,轉營搞天才表演嘅故事,就好似香港實際情況,希望個劇鼓勵大家繼續發夢!呢幾年,我哋對夢想都有新體會,呢個年代講夢想一定焦頭爛額,但享受過程已足夠,追夢唔需要諗有乜回報,《午》係個笑到標眼淚,但結局會令觀眾記住嘅劇!」

朱栢康為新劇鍛鍊說話口音,他說:「我個角色需要我有尼泊爾口音,我專登去做資料搜集,嘗試了解尼泊爾人,個零兩個月後,我深知我點學都唔會係真正尼泊爾人,細心嘅觀眾或者會留意到我第1同第20集嘅口音有唔同,但我認為演出令人相信就得,觀眾唔會對我嘅尼泊爾口音有疑問!」

陳文進孭飛做導演

朱凌凌成員陳文進則肩負導演重擔,他說:「導咗20集《午》,體會好深,好多人都話要追夢,好似人人都曾經傷風感冒咁普遍,好多人會食成藥就算,因為要繼續返工搵食,但啪粒傷風藥,治唔治到本?劇中有段戲,係當有人用槍指住你個頭,問你臨死想做啲咩?嗰個答案,其實就反映咗你依家就要即刻做、唔好等嘅嘢!」