接梁思浩班 劉錫賢瞓棺材:都幾窄吓

20170404
東網電視
更多新聞短片
個棺材好似唔夠位畀劉錫賢瞓。

藝人劉錫賢日前為ViuTV拍攝電視劇《詭探》,劇中飾演變態降頭師的他,按導演要求他企入棺材取景,劉錫賢自嘲是梁思浩接班人,甘願為劇集而犧牲:「從來都未試過要瞓棺材,不過原來都幾窄吓,真係逼逼哋。其實做演員都唔怕得咁多,反而媽咪一早準備定利士畀我,做得呢行有時都信吓習俗好!」除了瞓棺材之外,更經常與各式神像及布偶做對手戲,令現場氣氛變得鬼魅:「邵仲衡拍拍吓又話撞邪,我就未見到有,不過我唔怕架,可能我個樣比較福相冇事啦,所以我都同佢(邵仲衡)講,有咩恐佈嘢搵我頂晒佢。」

首次參演ViuTV劇集,劉錫賢坦言跟亞視年代的製作有很大分別:「以前喺亞視都拍過好多鬼片,不過好多制肘,好多嘢都話唔拍得!今次人哋用電影嘅拍法,感覺好新鮮而題材又大膽,成個環境都有好大分別。」

自離開亞視後工作不斷,劉錫賢笑言唔敢推Job怕得罪朋友:「推一次之後人哋唔搵你架喇,所以依家咩都接,之前要拍網劇,導演問我肯唔肯露股?其實我有乜所謂,為套劇去犧牲我就真係唔介意。」