鄭俊弘上咗位同姜麗文分手

鄭俊弘（Fred）於2001年參加新秀大賽入行，但一直寂寂無聞，直至2012年參加無綫歌唱比賽《星夢傳奇》奪冠才人氣急升，姜麗文隨即於社交網留言「Proud of you」，因而被踢爆戀情。原來兩人發展地下情長達6年，但隨着Fred人氣與日俱增，雙方距離漸遠。2015年女方出席活動時忍不住哭認已分手一年多，上位後的Fred亦先後跟蔡思貝及吳若希等傳緋聞。

何雁詩（Stephanie）的感情生活同樣多姿多采，2014年她與同是「巨聲幫」出身的謝東閔傳緋聞，曾被拍得載對方到她香閨，即傳二人同居，不過Stephanie事後否認戀情。2015年9月，Stephanie公開與圈外日韓混血男友Wataru拍拖三個月，她透露對方是中學同學的朋友，比自己年長三歲，又甜絲絲大讚男友靚仔。謝東閔接受電話訪問，坦言不知「舊愛」何雁詩與與鄭俊弘拍拖：「如果係都會祝福，但都唔知係咪真。」問到是否與何雁詩仍是朋友？他稱：「係好朋友，不過依家都小聯絡，喺公司見到面都會傾偈。（同鄭俊弘係咪好朋友？）喺頒獎禮見到都會傾吓工作、唱歌方面嘅嘢。」