顯影帝本色!張兆輝愈Chok愈高收視

20170405
東網電視
更多新聞短片
張兆輝顯影帝本色,壓晒場!

藝人張兆輝、陳松伶、張振朗、陳瀅、謝東閔及羅蘭等在將軍澳為新劇《全職沒女》造勢,眾人以婚紗禮服行紅地氈出場!玩遊戲時張兆輝要抱起新娘陳松伶,但張振朗抱起陳瀅時卻顯得面紅耳熱。

在劇中,張兆輝與陳松伶有不少親熱戲,陳松伶指是她從影以來最多的親熱戲、最多的醉酒戲,但她卻嫌尺度不夠激。而張兆輝表示與松松拍親熱戲時不會尷尬,合作得很開心,開工時不似在拍戲,似返屋企。陳松伶則指張兆輝好Chok,身為聖地牙哥影帝的張兆輝解釋:「一向都係咁樣,不過再執正啲。(出動私伙衫?)有蘇志威贊助好多靚衫。(收視有冇信心?)有信心,最緊要高收視。」

陳松伶當正輝哥係老公

睽違多年再接拍無綫劇的陳松伶直言對播出感到緊張:「劇中係全新形象,好顛覆性,自己都認唔到自己,戴眼鏡肥嘟嘟、冇錢、冇學歷,又冇禮貌,仲成日鬧人,見到男人流晒口水。拍嗰陣好開心,但拍完就好驚,劇中負責扮醜,希望大家當我新人看待,叫我陳松松。」她笑言與張兆輝合作得很開心,全無隔膜:「我老公又係姓張,我直情當咗自己係張太,輝哥老婆嚟探班都唔介意,我話呢個老公呢刻係我嘅。」

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon