仲想拍劇？81歲杜平話睇緣分

資深藝人杜平到西灣河香港電影資料館出席「犀利喇！杜平嚟喇！」座談會，胡楓、森森及杜平契妹翁虹專誠捧場。

杜平表示專誠由澳洲返港出席是次活動，他說：「今次會留到5月至返澳洲，會出席講座同拍節目，分享吓當年拍黑白片嘅一啲經驗，最重要係返嚟香港見吓老朋友同啲fans。（契仔溫兆倫都會嚟捧場？）佢依家喺北京，我諗佢返唔到嚟，佢最近都忙住準備做導演。（有冇邀請你客串？）有提過，但我未知佢拍咩戲，我呢個年紀，如果太辛苦嘅話就唔好喇！（想幫TVB拍劇？）睇吓有冇緣分，我都81歲，同埋依家嘅拍攝都同以前好唔同。」