史提夫溫達傳6月三度結婚

美國老牌失明男歌手史提夫溫達(Stevie Wonder)被傳6月17日將與女友Tomeeka Robyn Bracy在牙買加舉行大型海灘婚禮，今次係67歲嘅史提夫第三度結婚。據知史提夫將請多名圈中好友如艾頓莊(Elton John)、唱作男歌手Sam Smith等出席。而史提夫嘅9名子女(最大嗰個42歲、最細嗰個得3歲)，將擔任兄弟及姊妹團成員。有獲邀賓客指相信會係一個又大又開心嘅婚禮，史提夫將出錢飛佢嘅最近親家人同朋友去當地出席，而當晚婚禮上亦有幾個令人驚喜嘅表演，賓客指史提夫講過佢或會喺婚禮上起身唱下歌，但未講唱咩歌。除了有婚禮之外，之後亦會搞個大型派對。

據知新娘子會依傳統簽婚書，但史提夫就會打手指模代簽紙。史提夫與年紀細24年嘅Tomeeka拍拖五年，二人育有兩名子女，最細一個Nia於2014年出世。有指佢哋有簽婚前協議書。