係肥咗喎！林其欣呻身體循環冇以前咁好

久未露面的林其欣接受訪問時，表示現時很少做幕前工作，主要為佛教活動及慈善機構搵贊助商，而今次因為慧妍雅集35周年，所以特別返嚟幫手，好開心見到好多新嘅小師妹。林其欣表示會支持該活動，並會為禮物方面幫手搵贊助商，亦好感激有好多有心人肯出錢出力幫忙。

問到會否再參與幕前演出，林其欣直言拍攝要用好多時間，所以都未必會再參與，但空閒時出席活動。提到身形有少少發福，她笑言：「唔知呢，可能階段唔同咗，去吓旅行好開心，但係身體狀況就OK嘅。」因為早前被影到身形暴漲，被指患病，她直言：「可能只是角度問題，年紀大咗循環亦冇以前咁好，之前做過檢查西醫都話冇問題，所以會睇中醫調理返身體，可能係太濕毒。」她又澄清唔係甲狀腺有問題，身體狀況OK，之後都會減吓肥。