雷晴雯醉心文化界同沈震軒「分道揚鑣」

藝人雷晴雯（Winnie）與同為藝人的表甥沈震軒（Sammy）一直Friend過打Band，但之前長期傍住表甥工作的她最近就經常一支公出活動，令人懷疑兩姨甥情深不再。Winnie受訪時即笑指只是因為近年醉心在文化界發展，因此被逼「分道揚鑣」：「早排Sammy返咗內地拍網絡電影，做一個社團大佬，係男一嚟嘅，咁本身製作單位已經預埋我同Sammy一齊返上去，但咁啱嗰幾日文化界有好幾個活動要出席，搞到唔可以同佢一齊去，不過製作單位都好好，特登影啲Sammy嘅獨家相畀我做心靈安慰。」

問他們是否在工作上有意見分歧，搞到Sammy不肯讓她湊，在對方拍《喜愛夜蒲2》時做「廿四孝表姨」的她即笑謂：「咪玩啦！Sammy仲細咩！拍《喜愛夜蒲2》係五年前，嗰陣佢先開始叫做多啲人識，佢性格又靜，從來都唔玩唔蒲，但偏偏一嚟就拍夜蒲戲，我自己唔太放心先會喺現場叫做睇住，有啱嘅位仲可以過吓戲癮，邊有照顧周到咁誇張呀！」又笑指寧願Sammy不用自己照顧，因為諗起之前對方炒單車，需要日日在醫院出入都怕怕：「錫同關心係在心中，好多嘢我哋自己同屋企人知咪夠囉！」