许思维想帮阮大勇出书　延续海报师精神

导演许思维与资深电影海报插画师阮大勇，亮相有线娱乐新闻《电影蒙太奇》，与主播严崇天，分享以阮大勇这位电影海报师为题的电影拍摄趣事。

许导演表示当初在偶然下，于家中执拾旧物，赫然发现多张阮老师签名的电影海报，结果促成拍摄此片，他说：“当时因为好奇心去搵佢，发现佢嘅故事好传奇，佢个人亦好值得我哋学习，所以我录低佢讲嘅嘢，本来打算只系畀屋企人睇，后来意识到佢嘅作品影响香港整个七、八十年代电影业，于是决定制作呢部电影。因为阮老师好少讲自己对自己作品嘅观感，所以我搵佢身边嘅朋友，包括：许冠文、锺镇涛同马荣成，为我哋做导赏，同时亦带出佢哋之间嘅故事。”

许导表示想为阮老师出书及办展览，延续海报师的设计精神，他说：“欧洲有好多阮老师嘅粉丝，佢哋知嘅嘢比我哋仲要多！我访问阮老师嘅内容放唔晒落戏度，希望喺本书放多啲！相信佢好多粉丝都想了解佢多啲！”

阮大勇被问到最喜欢自己哪一个作品，他说：“《半斤八两》嘅海报！我好畀心机去画，依家如果你叫我再画，我都唔知点样可以再超越呢幅，已经系最好喇！”