7字頭青山認老：老人家有嘅我都有晒

「寶島歌王」青山、櫻花、黃清元、楊小萍、張帝及李亞萍假九展舉行的「世紀好歌金曲演唱會2」圓滿結束，騷後訪問時青山坦言很想再唱，但擔心太夜觀眾沒車搭。問到可覺得攰？他說：「攰呀，12點幾開始喺度。（健康點？）你諗吓，70幾歲，老人家有嘅我都有晒。」

青山大讚張帝的女兒張正欣唱得好，張帝就否認阻止女兒唱歌：「我想佢過正常日子，我唱歌成日跑。」青山笑說不唱張帝的《毛毛歌》就可以，張帝反擊說：「呢首歌係考我智慧，當時觀眾叫我唱乜就唱乜，唔應該唱嘅我冇唱，用咗小朋友開玩笑表現出嚟。」青山問張帝是否甚麼毛都有唱，張帝笑稱「奶奶毛」（胸毛）也唱了，還反問：「你沒有奶奶毛嗎？真奇怪。」

李亞萍表示他們在台上就想觀眾開心放鬆，說到女兒余苑綺早前患直腸癌，她形容是很大打擊，但現在女兒已很健康。張帝指他們是同一代歌手，又自覺年青：「老人家不是社會的負擔，我們都可以做事，帶給大家歡樂，到80歲也會繼續唱。」他再次否認阻止女兒唱歌，只是對方向音樂治療方面發展。