時空穿梭？陳凱琳一日內現身香港加拿大

藝人陳凱琳（Grace）尋日先同男友鄭嘉穎媽咪做孖公仔，現身紅館力撐鄭嘉穎嘅5D音樂劇，仲要當眾互相摸面，真係Sweet到爆！

尋晚去完睇騷，不過今日一早Grace竟然喺社交網話自己喺加拿大溫哥華，仲話自己Jetlag（時差）㖭，一晚時間Grace就可以由香港飛到去溫哥華，真係快過火箭喎！而更加神奇嘅係，一日前（16日），即係去睇嘉穎開騷嘅同一日，Grace都喺社交網甫片，又係話自己身處溫哥華：「Vancouver brings out the best in me.」條片影住佢喺溫哥華街頭同個Friend跳吓跳吓，搞到網友都?晒頭，一時喺香港一時喺加拿大，仲有人問唔通Grace識時空穿梭，不過都有人話可能Grace只係甫舊相啫。