88歲閃爆登場　精靈白雪仙自爆聽力衰退

粵劇名伶白雪仙、陳寶珠及梅雪詩等出席粵劇《蝶影紅梨記》記者會，宣布今年7月13日至30日假文化中心公演17場，獲劉兆銘、劉松仁等前來撐場。

年屆88的仙姐擔任藝術總監，精神奕奕以一身閃令令鑽飾現身，她表示聽力有問題，有時會聽不清楚，但歡迎發問。被問為何選擇演《蝶》劇？仙姐搞笑說：「冇乜點解，如果我做《九天玄女》你又會問點解，其實因為套戲寫得好，希望可以做好佢。」原來她為了這個劇本改動了七次，盡量刪繁就簡，但仍會接受善意批評。

要求每人忘我演出

問會否在澳門公演？仙姐表示要看時間及條件再決定，大會則透露成事的話，將於明年在澳門演出。對於加場之說，仙姐指戲院院期有限，故沒有太大把握。期間劉兆銘問仙姐會否擔住導演一職？仙姐說：「有乜導唔導演，但見到有問題就話佢哋知，唔理台柱定係宮女，每個人都有戲，總之要忘我做自己應做嘅位置。」

我自己都仲學緊

問仙姐可有興趣演出？她精靈地說：「我做？唔好嚇我，你哋想睇的完蛋？我都想，但自己心有餘力不足，大家都知我幾多歲啦！（係咪會指導兩個徒弟？）佢哋一得閒就搵我指導，但我自己都仲學緊，知無不言、言無不進。」

及後三師徒就為教導及指導展開爭論，寶珠說：「你唔係指導係教導。」仙姐即說：「教導咪即係指導囉！有乜分別？唔理你哋，你哋話乜就乜啦！」