剛力彩芽挑戰扮女囚　橋本愛實女囚裝晒性感

朝日電視台新劇《7女囚》本月21日首播，在劇中演女囚的剛力彩芽、安達祐實、橋本愛實、山口紗彌加、Triendl玲奈、平岩紙及木野花，昨日齊現身東京的記者會宣傳。幾位女星冇穿囚犯衫亮相，反而穿上色彩繽紛的春裝鬥美艷。

7女囚當中，以「國民情婦」橋本愛實最為SEXY，一襲吊帶低胸裙成為全場最索。正當大家以為佢喺戲入面着住囚衣唔會賣性感，咁就可能估錯！佢日前喺Twitter示範「性感穿囚服」的方式，身穿粉紅色的囚服的她，將衣領拉開露出G奶乳溝，真係引死人。橋本愛實喺《7女囚》飾演搞過不倫、因為犯咗業務過失致死罪而坐監的整形科護士。

講番《7女囚》，呢套以女子監獄為主題的日劇，女主角剛力彩芽飾演因殺人罪入獄的藝伎，入獄後，她遭到獄中女囚欺凌，其後作出反擊，仲解開她冤獄的謎團，今次是彩芽的演技一次新挑戰，她在劇中仲會有好多場動作戲。