否認與鄭俊弘同居！何雁詩買大床自己瞓

藝人何雁詩（Stephanie）出席化妝品牌Anna Sui彩妝專櫃全新形象開幕，是自與歌手鄭俊弘公開戀情後首次出席公開活動。她表示無綫劇《天命》仍有戲要在港拍攝，渴望有機會能放假休息：「之前因為個病辭演《誇世代》，希望多啲時間休息。」被問患上抑鬱症而厭食？她說：「唔講，個病一直喺度。（因為被指係第三者？）邊個畀人話都會舒服，呢件事令我知道好多朋友好錫我，好似陳瀅依家幫我管理社交網account（帳戶），幫我delete留言（刪除網絡欺凌留言）。（你可以唔睇？）忍唔住睇。（刪除帳戶？）咁又太dramatic（戲劇性）！（最難受嘅留言？）唔記得，好又有、唔好又有，都有啲人好支持我。」

父母曾見過男友

談到早前被拍得在傢俬店買床而被指貼大床，她否認並強調現時仍與家人居住：「唔會唔開心，因為唔係真，我自己睇床啫。（唔考慮同居？）將來嘅事遲啲先算。」問父母是否忹力支持她？她似乎與父母沒有溝通：「要問番佢哋。（冇傾過件事？）冇特別comment（評論），關注我身體狀況多啲。（帶男友見父母？）之前參加優秀選都見過，同埋父母成日唔喺香港。」

鄭俊弘隻狗未屙

提到日前被拍得幫男友放狗，她笑說：「哦！執狗屎嗰日，我屋企養咗四隻狗，嗰日得佢隻狗未屙，其他就屙晒。（做足女友本份？）幫到就幫，無論男友定朋友，我自己又鍾意動物，覺得佢哋比人更單純。」

撐好友尋找真愛

另外，談及有指好友陳瀅與方力申拍拖，何雁詩聞言即笑說：「呢個唔知，但依家唔係，遲啲就唔知。（約會中？）佢哋食飯有預埋我，成班group day，睇吓遲啲有冇機會！（有傳因為小方似陳瀅的緋聞男友衣架大王兒子劉德俊？）冇聽佢講過，佢唔係咁嘅女仔，係嗰種『要嚟就嚟，要走就走』。唔係咁先唔會一齊咩？如果係我就唔會同個似我前男友嘅人一齊！」