傳緋聞嗌無奈!陳瀅唔諗同方力申發展

20170419
東網電視
更多新聞短片
神女冇心呀!
藝人陳瀅於尖沙咀街頭為無綫劇集《全職沒女》宣傳。被指與方力申拍拖的她否認傳聞,指二人前年在活動見面而認識,並不是傳聞中是張繼聰及糖妹介紹及拉紅線,問到小方印象如何?她覺得小方為人活躍又樂於做善事,不過直指對方並不是追她,她說:「都幾無奈,同異性出街就畀人話拍拖、收兵,咁朋友唔係男就係女架啦,識朋友唔係為咗拍拖架嘛!」談到有指當晚與小方在酒吧時不時對對方冧笑,她說:「其實我只要係年資比我大嘅,我都會欣賞對方,絕對唔係為咗一齊。(發展空間?)無諗過呢樣野!(係你杯茶?)依家我想飲可樂多啲!」
陳瀅亦指再見到小方並不會感到尷尬,二人亦非密會,笑謂:「密會就唔會去中環啦,咁多人!」談到有指小方的朋友都望小方早日「脫獨」,她笑謂應問小方的朋友,至於她可想拍拖?她謂目前單身且有工作已經夠開心,對於新聞她只當是為劇集宣傳,更直言現在無人追!她笑謂:「可能係啲男仔知同我出街就會畀人寫啦!(怕做沒女?)都ok啦,拍完《全職沒女》就知咩都冇唔緊要,最緊要係唔好懶同要有鬥心!」