王喜被志雲摑　硬食冇得還手

藝人王喜與陳志雲到中環出席澳洲百利達酒莊獨家呈獻《雷雨对日出》舞台劇記者會，志雲預演劇中掌摑王喜一幕，王喜想反摑他，但被志雲快手擋住，與志雲份屬好友的王喜直言想在台上摑番志雲！

志雲表示：「綵排時唔會真摑王喜，但正式演出會真摑，本來佢有場戲係摑我，但刪咗，諗住喺後台畀佢摑番補數。（你真摑唔驚打親佢？）你估我曹星如咩！」

王喜則說：「有得揀梗係公開摑好過後台摑，公開摑有錢收喎！（陪志雲旅行，慶祝佢官司完結？）其實過去幾年都慶祝過，呢個消息都消化晒，加上佢去啲地方咁貴，所以都係食餐飯慶祝喇！」