張智霖後悔結婚冇斟茶畀父母

藝人張智霖（Chilam）出席活動，與同場的女星鍾楚紅及關之琳合照，他接受訪問時自爆二人都是其女神，他笑說：「同佢哋合照壓力好大，兩位都係殿堂級美女，代表住香港嘅女神。（咁太太袁詠儀呢？）呢個日日都有合照。」日前他擔任好友郭富城婚禮兄弟？問到好不好玩？他說：「好開心，我都係去到先知要做咩，都有頂酒，但成個過程都好順利，大家都冇為難大家，開門嗰啲都好順利，我並無虛言。（有冇玩新郎？）冇，我哋係好正經。（網民話你搶晒鏡係最靚仔嘅兄弟？）過獎啦，唔好玩我，嗰晚覺得好幸福，見到城城屋企人，每個人都充滿着幸福笑容，對比番自己真係做少咗，冇斟茶畀雙方父母，覺得有少少遺憾，會對佢哋好啲補償番。」

而Chilam與太太就送了一對香檳杯作新婚禮物，希望一對新人好事接踵而來，雙喜臨門。再問到新娘方媛是否已有喜？他即扮傻說：「唔係好清楚，唔知係咪有咗？因為畀幸福包圍住，睇唔到啲咩蛛絲馬迹。（咁邱瓈寬話下次結婚請佢喎？）我唔識答。（城城外父係咪話由細聽佢歌大？）我聽唔到。」