網台DJ要見樣　陳彥行怕素顏嚇親人

梁思浩曾效力的數碼電台去年結業，他睇中網台有發展潛力，故個人投資6位數字，與陳彥行和李麗蕊開咪做節目《大家真風騷》。雖然網台月費不算便宜，但思浩稱有好反應：「開始有錢賺添！其實做廣播咁多年，仲有大班聽眾支持。（網台全球播放？）係o架，以前服務香港人，依家就服務埋海外華人，互聯網太犀利喇。」

圓潤似有孕

思浩提起行姐當年與鄧兆尊合作無綫劇《皆大歡喜》的緋聞，行姐沒好氣地說：「鄧兆尊搞到冇人敢追我！不過後來佢出嚟澄清番冇咁嘅事，都算佢啦，還番個公道畀我。（有冇人追？）對我嚟講狗緊要啲，我啲狗有乜事都使我10萬8萬㗎。」她又稱以前做電台不用化妝，現在惟有戴黑超，怕嚇親觀眾。身形圓潤的她自嘲，怕外界誤會她有孕。

多得李麗蕊提攜

思浩稱為了報恩而邀李麗蕊加盟節目：「當年入廣播界都係多得阿蕊嘅提攜。」阿蕊說：「唔好咁講，你嘅成績係靠你自己爭取返嚟。」阿蕊坦言今次合作是試水溫：「我覺得自己喺傳統電台發展機會唔大，與其係驚，總唔能夠斬腳趾避沙蟲，不如就喺呢個平台上試水溫，用自己經驗嚟行一條新路。」