讚文學修養高！鄭少秋爆黃霑講粗口原因

將於下月舉行演唱會的鄭少秋接受電台訪問，講到《笑看風雲》一曲由黃霑填詞，秋官大讚對方：「佢文學修養好高，啲詞好有內涵，睇佢啲詞學到好多嘢，其中《輪流轉》一曲好有禪理。」他表示《輪流轉》是自己最喜愛歌曲之一，亦謂黃霑是個很奇怪的文人：「好有學問，但就好似古代啲文人唔想畀朝廷重用就搞到自己好瘋狂，所以佢有時先會講吓粗口，同埋改歌詞佢會鬧人。（你試過改佢歌詞？）有一、兩個字試過唔啱音。（咁佢反應係點？）咁就交畀老闆面對。」而講到《輪流轉》是無綫第一套被腰斬的劇集，因不敵麗的電視的《大地恩情》，對此秋官表示：「當時仲拍緊嘅時候知道呢個消息，覺得好可惜，但冇辦法，公司都要同啲廣告商交代。」