曾守明最深刻的劇集　與鮑方拍出真感情

20170423
  • 東網電視
    更多新聞短片
    呢兩套就係曾守明最深印象嘅劇。
    曾守明一生參演作品超過二百部，他於訪問中表示當中有兩部印象最深刻。
    《新紮師兄1988》
    「開頭接到劇本，要同老前輩鮑方叔合作都有啲擔心，會唔會好難對付？原來鮑方叔好好人，我好記得有一場戲，鮑方叔做大佬，我就做佢嘅司機同保鏢，佢唔掂要走佬，但係佢留咗啲錢叫我唔好再跟住佢，嗰一場拍出咗一種父子情，個感覺好出，拍到中後期嘅時候我同鮑方叔真係好似兩父子咁，佢好似係我契爺咁。」
    《妙手仁心II》
    「喺劇入面同鄧萃雯做一對夫婦，開頭好有錢，後尾生意失敗，兩個都要揸的士搵食，鄧萃雯仲唔好彩患咗骨癌，我每日要去醫院探佢，個樣好憔悴生晒鬚根，但係又要唔畀鄧萃雯知，唔想佢擔心，需然得兩、三集好短，但係印象好深刻。