驚爆！吳業坤上網問邊度啲「女」平

歌手吳業坤真係成日都畀到好多歡笑大家，皆因佢成日都打錯字，繼早前嘅「食好西」同埋「wife egg（wifi egg）」之後，今日坤坤又有新搞作！話說其實坤坤係想問問網友，邊到泊車最抵最平，唔知係咪手快快又冇睇清楚，佢留言：「有無d（啲）停車場係免費或者女平㗎？」

嘩嘩嘩，竟然泊車變成「女平㗎？」即時成為熱話，唔少網友都笑佢究竟要泊車定要女，坤坤見到咁拿拿聲改番：「有無d（啲）月租年租一輩子租停車場係免費或者好平㗎？ P.s打錯字」之不過咁，竟然有網友都話坤坤咁做好似想引人關注，即時令坤坤再上載張手寫嘅悔過書，話自己唔係特登，仲話自己係手殘同腦殘：「敬啟者：我只是在個人facebook打錯了速成，我不是故意的，只是我真的手殘和腦殘，對不起，敬請原諒。吳業坤」