梁漢文爆蘇永康「飲茶」都勁冧

歌手梁漢文在九龍塘出席電影《春嬌救志明》群星首映禮。梁漢文坦言自己是電影系列的粉絲：「記得楊千嬅第一集時就大肚，第二集就拎影后，希望佢今次都有好成績。（再有？）有好成績之餘再多添多個！」提到好兄弟蘇永康（阿公）的囝囝，他就指探過一次，希望下星期再探多次。問阿公是否已被囝囝融化，他即笑謂：「直頭係『融公』！」又爆對方經常圍內Group甫貼：「我收到風蘇爵士（指蘇永康囝囝）『斟茶』畀阿公！男人嘅必經階段！（杯茶都冧嘅！）冧，斟去邊度都得呀！我探佢時就唔畀『斟茶』畀我飲架喇！成家立室先啦，依家暫時唔使！」他又表示阿公不會為囝囝買貴衫，希望他習慣不用名牌：「盡量唔好似佢自己，我哋作為世叔伯都唔敢輕舉妄動，唔敢畀太多奢侈品畀佢。」暫時只送了一部相機。