谷胸做新娘 蘇慧恩引仔送婚戒

20170424
東網電視
更多新聞短片
蘇慧恩化身性感新娘子。

歌手蘇慧恩(Ophelia)日前到尖沙咀出席首飾品牌活動,化身性感新娘子的她即場學造頭飾,現場更有男士為她送上婚戒,她坦言很開心:「好想快啲搵到真命天子,因為年紀都唔細,都擔心再唔結婚生唔到小朋友。」講到擇偶條件,她自言不挑剔:「我唔需要咁大卡嘅鑽石戒指,又唔需要2千呎豪宅,想簡簡單單。我夢想好似謝安琪咁,搵一個音樂人老公,經營一個好開心嘅屋企,生埋小朋友就好滿足。(有男朋友未?)我都想有呀!想快啲搵到個好似張繼聰咁,好有才華,最緊要對老婆好。」她認為現在經濟環境不好,結婚並不容易,但嫁入豪門亦未必開心。

送鑽石戒指畀媽媽

提到今天谷胸現身,Ophelia指婚紗由大會提供:「佢哋覺得着性感少少,襯托成件事靚啲,老闆娘搵咗婚紗公司贊助。(有冇加墊?)有啦,大家去過我演唱會都知我身形唔係好豐滿,都要做足安全措施,加Nude Bra就有豐滿少少嘅效果。但大家都係聽我唱歌,如果要豐滿就唔係睇我。」她表示最近正準備K-Pop電子新歌,正排練比較性感的舞蹈,又自爆早前以月供方式送了一隻2萬8千港元的鑽石戒指給媽媽,覺得戒指不一定送給另一半。

做藝人辛酸

至於資深藝人曾守明離世,曾與對方合作一次的Ophelia說:「我覺得藝人真係辛苦,大家未必知,有時拍戲朝6或者朝9,開到夜晚12點,仲要返內地登台。佢本身已經有心臟病,仲要咁辛苦,心功能負荷唔到。」好友黃建東對此非常傷心,Ophelia稱未安慰對方,又讚曾守明很Nice,對後輩很好:「佢真係老戲骨、好專業嘅演員。我覺得做咩都好,係一份堅持,唔好理角色大唔大,如果真係鍾意演戲就唔會介意。周星馳喺戲入面話做演員未Cut都要演落去,呢句對白係真。」