鴛鴦戲水！馬浚偉讚胡定欣色香味俱全

藝人馬浚偉與胡定欣於電視廣播城為無綫劇集《宮心計2深宮計》拍攝一場鴛鴦出浴戲份，馬浚偉與定欣於劇中分別飾演太子與太子妃，劇組搭了一個浴池景於場地拍攝，雖然落雨，但無阻太子與太子妃雅興，二人齊齊露肩坐在浴池中，定欣更大晒鎖骨上陣，拍罷二人笑言舒服到如做Spa、浸溫泉般，定欣更拍到開心晒V！

激讚環境好

其實之前此劇的美女劉心悠、黃心穎及周秀娜都已拍過出浴鏡頭，這次輪到馬浚偉與定欣拍攝，馬浚偉坦言現場色香味俱全，拍得好開心。他接受東網訪問時謂：「浴池係實景兼有暖水同消毒過濾，成件事好專業，池中嘅花瓣真係好香，感覺好似做Spa咁，我平時好少做Spa，簡直係浸到唔想起身，浸到皺晒皮都抵！」劇組於現場貼心設帳篷、暖風機及預備毛巾，太子與太子妃果然夠派頭。說到有美相陪，馬浚偉說：「有佢陪係好賞心悅目！環境又靚又香，色香味俱全！」

笑馬浚偉野性

而定欣接受訪問時則大讚馬浚偉造型「好野性」，她謂：「佢平時紮起個頭，今次放低頭髮好似另一個人咁！好野性！今次場口只係普通夫妻戲水戲。（有冇進一步埋牙？）有錫吓額頭，都有啲房事場口，但喺廠景唔喺水。」定欣指第一次拍宮廷浸浴戲好興奮，感覺好新奇，她指今次幻想自己浸溫泉，她笑言最爆笑的是池中裝酒浮起的器具，原來是馬浚偉用腳頂才浮得起！問到準備工夫？定欣指自己穿着肉色打底衫，笑謂：「唔穿崩就得！」