麥浚龍為MV慘被摑18巴

麥浚龍（Juno）早前為第二首派台歌曲《禽獸》拍攝MV，貫徹其一鏡到尾的拍攝手法， 目標是要挑戰「冷靜的暴力」，他指今次不是要表達禽獸被罰的情況，反而要將一個厚顏、滿口歪理的禽獸，剖開他全無羞恥面對天下的一面。

被打到又紅又腫

Juno於MV甫開始就被摑一巴，中段時間分別被掉雞蛋、潑芝麻糊及咖啡。搞到一身邋遢，MV結尾時原定他只被再摑一巴，但為了大大加強效果，主動要求負責摑他的副導演「唔好停手」，更要加大力度，最後連續被重摑了十八巴之多，致左面又紅又腫。

千載難逢「打老細」

身為導演的Juno一叫cut機，副導演立即上前與他擁抱，其實埋位前Juno飲了半支威士忌令自己進入狀態，並邀請公司同事落手，更笑言機會千載難逢可以「打鑊老細」，結果無一答應，最後只好找副導演當劊子手。

1巴變18巴

Juno表示《禽獸》的MV要做到被糟質而不生氣，他說：「雖然被摑、被潑芝麻糊同咖啡，我依然要保持笑容。我原本嘅構思只係一開始同結尾被摑一巴作首尾呼應，最後為咗令觀眾產生心寒感覺，臨時要求副導演不停摑直至我嗌cut為止。被摑十幾巴嘅我完全冇嬲嘅意思，心理質素絕對健康。要求一個與我無仇無怨嘅人下咁重手，被摑嗰個未必難受，但摑人嗰個反而難以心安。」