【樂觀抗癌】單身陳秀茹唔排除閃婚

淡出娛樂圈多年的前亞姐陳秀茹於銅鑼灣出席其新書發布會，早年經歷乳癌和皮膚癌的她，樂觀面對疾病並踏上寫作之路，她坦言今次新書將自己患癌的經歷代入到角色之中：「小說寫到一半，就發現自己生病，在醫院的病床上百無聊賴，雖然辛苦、疲倦，但都繼續寫下去，總算完成這個作品。當時心態是不知會不會死，希望可以盡力去寫完它。」

問到會否寫自傳分享一下抗癌經歷？陳秀茹表示：「我寫緊一本關於自己愛情觀嘅事，我同前夫分開後，其實患病期間我都有追求者，但我唔會瞞住自己嘅病，我有乳癌，當時有可能需要切乳房，呢啲統統都有坦白。」現時單身的她坦言遇到合適對象時不排除會閃婚。

陳秀茹講到來香港宣傳，她表示有意回流發展，感激好友馬國明為她拉線，她希望將自己個人經歷向大家分享：「我鍾意煮食，到訪過46個國家，我好想用呢啲經驗去做節目，背個背囊就出發，到唔同地方學煮地道食物，而以前喺美國我又做時裝，好多生活性題材都可以嘗試。」