女神幫手除衫 陳瀅出冧招姣張振朗

20170427
東網電視
更多新聞短片
陳瀅出冧招姣張振朗,搞到張振朗露孖煙囪好尷尬囉!

藝人陳瀅及張振朗到油塘宣傳無綫劇集《全職沒女》,陳瀅以白色吊帶背心,外披牛仔褲女神Look現身,與張振朗玩遊戲時,應遊戲要求姣振朗,又拉開振朗外套拉鍊,更伸手要除振朗件Tee,令振朗露出孖煙囪,尷尬得面紅耳赤,兩人玩舖床遊戲時,陳瀅更來一個海棠春睡的甫士作End Pose,非常屈機!而羅蘭與楊證樺亦玩得相當投入,兩人卿卿我我,恍似一對忘年戀人。

懷疑振朗係露體狂

陳瀅踢爆振朗選擇性面紅,她說:「拍劇嗰時佢成日喺啲女工作人員面前換衫換褲㗎,有布簾佢都唔會用!試過見到佢底褲,係好緊好緊嗰種,我懷疑佢係露體狂。(佢想姣你?)我都好開心拍呢個劇令『你姣我呀?我姣你唔起呀?』,變咗網民討論話題,起初我睇劇本都有擔心,怕呢句對白唔知出嚟效果會點,都要衝破自己嘅框框,我啲朋友睇完都話,睇得出我係好畀心機豁出去講呢啲對白同演呢個角色。」

解釋點解着窄底褲

張振朗解釋自己着窄一窄的底褲有大條道理,他說:「窄啲唔會走光呀!(點解換衫唔拉布簾?)趕時間嘛,而且我喺屋企換衫都係咁,我當咗TVB係我屋企。(係咪露體狂?)我懷疑係陳瀅偷睇我就真!(緋聞女友陳芷尤有冇睇過你換衫?)吓!基本上好多同事都睇過,睇吓佢好唔好彩啦!」

----------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片:
https://goo.gl/KfEPQ8