魏駿傑開餐廳　孖張利華狂咀嘴

藝人魏駿傑與友人在西貢合資開餐廳，阮小儀、張沛樂（沙律）及李曼筠等現身出席開幕禮，魏駿傑應傳媒邀請，與太太張利華合照，並表演嘴對嘴錫錫，大曬恩愛。

魏駿傑被問到餐廳股東名是否寫太太名字？他說：「唔使啦，啲樓寫咗太太名，餐廳又寫太太名？餐廳係我同幾個朋友，每人夾7位數字一齊投資，係一間泰國餐廳，因為近海邊，環境好靚，所以打算搞埋婚禮場地，等一對新人可以坐船嚟到碼頭就上岸，都食番『上到岸』個意思！（圈中人幫襯有冇折頭？）有，可惜城城（郭富城）結咗婚，如果唔係可以嚟呢度搞。」

魏駿傑早前放風想拍劇，他說：「就快有回音㗎啦，快㗎啦！我諗住請（無綫高層）曾勵珍小姐嚟呢度食飯，佢好錫我，氹吓就得。」