原島大地拍戲賺錢幫補學費

童星出身的原島大地為拍攝主題公園40周年的微電影宣傳，透露趁學校假期來港賺外快，正於東京的國際大學修讀國際關係的他，表示尚未計劃將來，一切待完成四年課程才作決定，問到可適應大學生活？他謂：「同高中比較輕鬆啲，課程唔係咁早上堂，放學時間又早，一堂只係90分鐘，同埋又上好少堂，所以做嘢只會周六、日，香港為主，日本就學習為主。」

如此忙碌，問到是否沒有時間拍拖？原島大地表示沒有多想，現時亦沒有心儀對象，笑指難得入到大學，故會學業為重。那有否趁來港與曾合作電影的張栢芝見面？他謂：「冇啦！邊度有，當年拍完戲都好少聯絡。（咁有冇見吓導演傾合作？）會，今年年底可能會拍一部青春愛情片，但邊位導演就唔講得，到時會就暑假或者放假拍，盡量唔好影響學業。（片酬呢？）唔方便講，我賺錢都係幫補學費。」