名人：蔡加讚想畀孖仔冧多十幾年

「玩具大王」蔡志明兒子蔡加讚出席馬場活動，現場見他一臉倦容，問到是否照顧子女很累？他說：「都習慣，有時夜晚都會醒下，唔關事，因為呢排公司有新發展，要周圍飛，Jet lag（時差）到暈。」

叫老婆唔好減肥

他又表示很掛住小朋友，工作後都立即回港：「成日同佢哋視像，去遠嘅地方最多一兩日，佢哋成日問Daddy到底喺邊？返到去對仔會一人一邊腳攬住我，冧到暈陀陀，原來仔都好嗲，以為生仔會Man啲，希望佢哋會Keep（嗲）多十幾年。（生多個？）暫時唔會，依家覺得好滿足，兩仔一女，享受下先，再生就唔係享受係辛苦。」

問到太太汪圓圓是否仍在餵人奶故未收身？他續說：「已經冇餵，我成日叫佢唔好減肥，健康就會靚，女士成日都想再瘦啲，我覺得佢已經好好，唔需要減到冇晒肉，又要照顧三個小朋友又要減肥，個人會唔開心。（太太喺心目中最靚？）一定，生完仲靚過未生。」