“皇后”胡定欣穿越召见“胡说八道会”

女星胡杏儿、胡定欣及黄智雯等人向来姊妹情深，仲组成“胡说八道会”，就算工作咁忙都好，依然不时抽空约食饭，令人羡慕！寻晚“胡说八道会”又再聚会，就连拍紧新剧《宫心计2深宫计》嘅定欣亦收工赶过去，仲喺社交网放上合照，留言：“难得齐人，我都要以皇后装头去见大家。”

相中所见，梳住古装头嘅定欣“穿越”现身，仲不忘同一班现代LOOK嘅好姊妹合照，相当搞笑！智雯仲好有心，亲手整甜品孝敬皇后娘娘定欣，个甜品仲起名为“北海道士多啤梨果酱北海道牛奶北海道红豆酱加韩国士多啤梨奶冻”，斋睇个名咁多字咁有气势，应该好睇又好食嘅。