黃煦珽大讚伍禮騫有初戀男神Feel

20170501
東網電視
更多新聞短片
着住校服啲初戀感覺番晒嚟!

中華文化小姐黃煦珽(Zaneta)今年進軍樂壇,為首支個人單曲處女填詞,擅長跳拉丁舞、彈鋼琴的她今次挑戰K-pop風格,日前她為新歌拍攝MV,並為MV度橋及做監製,展現多才多藝一面,Zaneta坦言想將來可成為唱作女歌手:「今次嘗試自己填詞,填咗幾個月時間,有一段時間瞓瞓吓覺會突然起身填詞,原來做填詞人真係唔易,希望之後可以嘗試埋作曲!」

拍攝MV方面,Zaneta找來參選香港先生時有「爆肌許志安」之稱的好友伍禮騫(Thomas)擔任MV男主角,其中一段兩人更穿上校服,拍攝一段校園青蔥故事,Zaneta說:「趁住自己仲有青春,想拍那些年嘅感覺,留番個美好回憶,覺得Thomas好有初戀男神Feel,所以邀請佢做男主角,寫歌詞時諗起好多中學回憶,以前唔知愛情係咩,會畀啲學業成績好好嘅男生吸引,或者因為自己中三之前成績都係名列前茅,中學時段好多係暗戀,到中四嗰年突然有七個男仔同時追我,有啲係同級,有啲係學長,有啲係校外朋友,但自己暗戀嘅師兄偏偏對自己忽冷忽熱,雖然成日喺唔同地方碰到對方,但最終都冇發展成情侶,所以歌詞入面寫咗啲自己心聲,不過我只係憑歌寄意,同大家分享一下自己愛情觀同感想,並唔係鼓勵中學生談戀愛㗎!」

問到會否跟Thomas「戲假情真」?Zaneta笑說:「仲細咩?邊會咁易動情,而且又冇親密動作,又冇床戲,佢女友仲喺現場睇住,一定唔會有緋聞。(你有咩擇偶條件?)要專一、有誠信、有責任感、愛我、孝順同埋顧家。」