祥仔預祝53歲生日　泥菩薩手杖蛋糕搶鏡

視帝黎耀祥（祥仔）5月4日就53歲生日，雖然仲有兩日先到，不過人緣甚好嘅祥仔當然有大把朋友同佢排隊慶祝生日啦。佢今日就喺社交上載咗慶祝生日嘅相片，除咗有佢老婆出席外，仲有狄波拉、陳凱琳、鄭嘉穎、同埋鄭丹瑞等，認真高興。佢哋仲為祥仔準備咗個好搶鏡嘅泥菩薩手杖嘅生日蛋糕㖭，好有心思呀！

祥仔留言話：「意外的生日慶祝，窩心柔情的老闆陳太，安排了這溫馨的聚會，還有創造了『風雲』這大家庭，連繫着各人的緣份（分）。蛋糕上精緻的泥菩薩手杖，見證了一段非凡的經驗。」

祥仔接受訪問時坦言相當驚喜，亦指陳太相當有心思，問到生日會怎樣慶祝時，祥仔謂：「生日正日約咗朋友食飯，今晚就同屋企人食，每年都係咁樣過，最緊要大家健健康康。（仔仔有否越洋送上驚喜？）阿仔依家考緊試，五月尾放暑假先返嚟。」