衛詩雅影性感相引熱話：我唔係等錢使

演員衛詩雅晚上在尖沙咀出席主演的英皇電影《失眠》優先場，前來捧場的嘉賓包括有方力申、曾國祥、王敏奕、顏子菲、許靖韻、譚善言等。衛詩雅現時102磅，她透露為了另一電影角色要減到八十多磅，她說：「依家靠做運動同睇營養師去減磅，其實營養師話依家磅數已經唔可以再減落去，但都冇辦法。（驚唔驚減到冇咗身材？）我本身都冇，所以唔會好介意，如果有就會唔捨得。」

衛詩雅最近拍攝了一輯性感相，引起網友討論，她說：「自己覺得輯相已經好性感，當初都擔心屋企人未必接受，媽咪睇完話好靚，仲提議攞去放大，令我好意外。」

唔敢再影更性感嘅相

衛詩雅覺得今次已經是幾大突破，也不敢再影更性感的相，認為見好就要收，她說：「不過都有啲唔開心，有人留言問我係咪等錢使，我影呢輯相唔係為錢，自己想試多啲唔同嘢。（接唔接受到喺電影性感演出？）要睇導演、劇本，有啲性感得嚟高檔，有啲就好低俗，所以要睇導演。」

----------------------------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/AH2eYA