歐錦棠寸徐曉冬：唔好畀佢出名啦

藝人歐錦棠與太太萬斯敏於銅鑼灣為舞台劇宣傳，因舞台劇以拳擊作題材，歐錦棠明顯變得大隻並以拳手look示人。他表示為舞台劇操練大半年，因在劇中要赤膊上陣，故要積極操肌不能失禮人，萬斯敏則直言老公慘，她說：「又唔食得嘢，淨係可以食雞肉，唔食操唔到肌，食又有肚腩！」

歐錦棠就謂他的肌肉容易谷起但十分鐘內就打回原形，故打算在後台放啞鈴，在演出赤膊戲前就在後台舉啞鈴谷肌。一星期操四日，一次操兩小時的他直言對肌肉仍未滿意，之後就要減脂及跑步。談到他如此搏命，他直言因籌備舞台劇都要自負盈虧，一套舞台劇的製作費達70萬，即使票房好都只會平手，幾乎無錢賺，令他有壓力搏到盡。萬斯敏在劇中飾演歐錦棠的教練，被問有否需要操肌？她謂之前有學過空手道但未學過拳擊，故需要向師傅請教兩者的分別，歐錦棠就笑指太太在劇中負責教他怪招。

談到內地綜合格鬥（MMA）狂人徐曉冬10秒KO太極高手魏雷，而李嘉則在社交網站下戰書挑戰徐曉冬，歐錦棠直言冇意思，他說：「先唔講拳手品德，通常啲人自大係因為未見識過真正高人，唔好畀佢出名啦！冇人可以贏到全世界，幾十年嚟我見過唔少真正高人，做人要謙虛，唔需要踩低人！」