曾同居互相扶持　袁詠儀狂讚頸傷姚瑩瑩

藝人姚瑩瑩受頸椎移位之苦，被市民拍得她為此愁容滿面。而當年姚瑩瑩計劃來港發展，幸得因參選環球小姐而成為閨蜜的袁詠儀（靚靚）相助，收留在港沒有親人的瑩瑩。靚靚接受東網訪問，講到瑩瑩的頸患，她表示不知情：「唔清楚，你去問我阿媽啦！佢哋到依家都有Keep住聯絡。」

與袁家有緣

有指靚靚收留瑩瑩助她發展演藝事業，靚靚笑稱自己做不少好人好事，又說：「唔好講收留咁嚴重，大家係多年來都互相扶持嘅，當時大家十幾廿歲，佢屋企人係美國，佢話想嚟香港試吓發展，但又冇地方住，我就話冇所謂一齊住啦！」靚靚指當時因工作忙碌，幸有瑩瑩分擔陪伴袁爸袁媽的時間：「瑩瑩好好，我唔得閒陪爸爸媽媽時，佢都會陪佢哋去飲茶，好孝順㗎！佢同我哋屋企嘅緣份到今時今日都仲喺度，我唔知瑩瑩嘅嘢，你問我媽就最清楚喇！雖然冇上契，但感情真係好好，媽咪生日，瑩瑩甚至早過我第一個送禮物同佢慶祝。」

為瑩瑩徹夜難眠

靚靚又爆料二人同住時的難忘事：「瑩瑩曾經因為拍拖出咗街，咁啱就發生蘭桂坊踩死人事件，成家人都好擔心冇瞓到，一直打電話去差館搵瑩瑩，最後知道佢冇事，我就好惡咁鬧咗瑩瑩一餐，佢都知衰道歉！依家大家聯絡少咗，但嗰種姊妹情係緣份，依家見佢有幸福美滿家庭，都好戥佢開心。」