毕佬首谈婚变（2）：想为仔女做更多

荷里活男神“毕佬”毕彼特（Brad Pitt）近日接受访问时大谈婚变，是自去年8月与安祖莲娜祖莉（Angelina Jolie）离婚后首次公开剖白内情，除坦承酗酒影响婚姻，自作自受，另亦讲到以前工作太忙，未有好好照顾仔女，想为仔女付出更多。<br/><br/>“离婚”一事令自己醒觉<br/><br/>毕佬于访问中大方剖白，自言以前花太多时间拍戏，好少时间照顾家庭：“小朋友好细腻，佢哋吸收所有嘢，佢哋需要（有人）解释事情，佢哋需要被聆听。而当我进入繁忙工作嘅状态，我就冇好好聆听，我想做得更好！”佢又话自己于情感上好迟钝，对仔女冇好好表达感情，“离婚”一事令佢醒觉要为仔女做得更多，好好表达畀佢哋知。<br/><br/>打官司冇人会赢<br/><br/>毕佬另提到婚变后极为伤痛，当时唔想返去位于比华利山的大宅，去到圣莫尼卡的好友大卫芬查（David Fincher）家中，瞓地板瞓咗个半月。对于儿童福利局介入离婚一事，毕佬话大家最后都可以齐齐解决问题，现时仍尽紧力，又话双方同意唔会上庭对叠：“我听过一个律师话冇人于法庭会赢，只系睇边个伤得重啲！”毕佬话觉得搞到上庭不断证明双方系错，感觉系仇恨，所以唔想打官司，好彩安祖莲娜都同意。