陳潔玲濕身晒線！玩空中瑜伽騷修長美腿

話咁快就到夏天喇，每位女士都開始把握時間修身，希望喺炎炎夏日以美好身段示人。有「翻版陳妍希」之稱嘅藝人陳潔玲（Christy）都唔例外，呢日佢就襯住空閒時間，去玩空中瑜伽，修靚身形。

Christy喺Facebook上載咗兩張靚相，一張係運動後香汗淋漓嘅相，仲不經意露出事業線，網民大讚佢kawaii。另一張Christy施展軟骨功，大晒柔軟度，條美腿仲長到不得了！有網民仲留言話覺得佢瘦咗，相信Christy睇到之後更有動力去做運動keep fit！