韓星李成景送飛吻冧粉絲

韓劇《舉重妖精金福珠》女星李成景現身旺角出席護膚品牌活動，第二次來港出席該品牌活動，事前已透過大會公關表示記者不可問有關私人問題。門外有幾十名粉絲冒雨等候，李成景一現身，粉絲們興奮尖叫，她亦表現親民地向粉絲送上飛吻及招牌心心手勢。見到粉絲如此熱情，李成景表示很開心，雖然甚少有機會見面，但對於粉絲們的心意通通已收到，希望下次再有機會與大家會面。

談到拍攝《舉重妖精金福珠》要增磅5公斤，李成景坦言未回復最佳狀態，她說：「冇特別減肥，拍完劇有段時間休息，食健康嘅食物，以健康為主，同埋做運動，皮膚都好咗。如果要有完美嘅身段，要再努力啲！」問到有甚麼角色想挑戰？她自言從未演過平凡的角色：「以前演嘅都係個性鮮明、強悍嘅角色，反而平凡角色會幾好玩！」至於除了愛情劇，她表示希望拍有關家庭愛的劇集：「愛情劇係好玩，再拍家庭嘅愛情都唔錯，有機會其他角色都想試，我係open mind嘅人。」另外，她透露早前休息到了米蘭及美國旅遊，整個旅程都做運動，希望為下一部作品做足準備。