被封新「咪神」　曹思詩倒奶晒腿勁養眼

無綫人才輩出，咩類型嘅靚女都有，單單靠副靚樣未必成功上位，所以近年唔少無綫小花選擇喺節目性感上陣，務求喺芸芸小花中突「圍」而出，今次就輪到曹思詩彈出啦！曹思詩最近為無綫官方FACEBOOK專頁「SEE SEE TVB」拍攝短片，當中佢換上多件低胸衫，大騷32C激凸上圍，仲不時烏身倒奶，隨即成為網民熱話！

床上擺甫無限遐想

片中所見，飾演麻煩女友嘅曹思詩做出唔少「港女」行為，包括無端端向男友發脾氣，唔識煮嘢食，仲要咩嘢事都可以慶祝一餐等，但相信大家嘅重點都唔係佢嘅演技上，而係身材囉！皆因着低胸短裙嘅曹思詩晒胸又晒腿，養眼程度爆燈，又好難叫人唔放錯焦點。鏡頭一轉，曹思詩換上小背心同熱褲，喺床上大擺性感甫士，認真令人無限遐想。之後佢仲嚟一招烏身倒奶，兼且派心心冧男友，就連鏡頭後嘅雄性動物都抵擋唔住，流住鼻血留言大讚佢「SUPER HOT」，仲話要力捧佢做無綫新一代「咪神」！

「翻版唐詩詠」

呢位潛力新「咪神」現年25歲，演出過唔少無綫劇集，不過都係做路人角色為主，就連近期熱播劇《全職沒女》都有佢份，直至早前主持節目《山系女行Yama Girl》而為人熟悉。另外，唔少網友都話曹思詩同絕世好女友唐詩詠好似樣，因而被封「翻版唐詩詠」。曹思詩仲好大方，經常喺社交網上載水着相派福利，就連行山都會性感打扮，所以唔講咁多，大家睇相啦！

網民有話兒：

AraXXXHo：SUPER HOT!!!

XXXryLam：嘩！烏身倒奶呢招掂！

XXmmyChXX：估唔到佢身材咁好喎！

KaLXXX：條女熟口熟面，好似成日做路人甲。