陳曉東患急性青光眼入院

轉往內地發展多年嘅藝人陳曉東（東東），近來不時回港出席活動，畀香港嘅粉絲一解相思之苦。但係今晚東東突然喺微博上載幾張坐喺病床上嘅相，其中兩張仲加用紗布遮眼，原來東東患咗急性青光眼，佢留言話：「急性青光已經好轉，眼壓已恢復正常，因為葡萄膜炎這兩天左眼右眼各紮一針局部激素，待醫院觀察第四天。」東東搞笑話大不了以後戴着眼鏡唱歌囉！