娛樂專題:小學雞變人妻!Yan細味回憶

20170507
東網電視
更多新聞短片
Yan話將來都會帶仔女嚟自己細個住嘅地方睇吓。

每個人的童年回憶都是十分珍貴的,隨着時間變遷,不少人事環境都已面目全非,留下來的更值得人細味。藝人吳日言在沙田屋邨長大,重返小時候成長的地方,感觸良多,她希望將來可以帶自己的小朋友來這裏,讓仔女見證香港的變化,以及媽媽成長的點滴!

吳日言(Yan)兩歲開始住在沙田美林邨,住了十多年,長大後曾搬到馬鞍山,之後一直在港島區居住。這天重回童年長大的地方,百感交集。第一站去了當年就讀的小學,但原來舊址的小學已停辦,雖然還未拆卸,但已經封鎖了;而昔日小學現時跟另一間小學合併,位置不同。

「覺得自己老咗!」

是日她重遊新舊校舍,回想還是「小學雞」日子,笑料百出:「返番嚟呢度,真係覺得自己老咗!記得以前小息就會去小食部買嘢食,我最鍾意食豬柳包,但淨係食塊豬柳,麵包就畀同學食,搞到大個都只係食餸唔食飯,同埋以前小息完打鐘,個個同學就好似畀人點咗穴咁唔郁,諗番覺得好傻,哈哈!」她謂現在的老師都很年輕,以前覺得老師都是很大的「大人」,轉眼自己已變成小學生眼中的「大人」了。

百厭妹「天堂」探險

新舊小學在美林邨一條河的兩邊,河上有一條行人橋,這裏就是Yan小時候的「天堂」,常常與鄰居到這裏玩,現在回想其實很危險,認真百厭:「嗰陣返小學每日必經呢條橋,唔好睇條河好似冇乜水,如果一落大雨就會變咗條大河,細個好曳,冇水時就走落去探險,依家諗番真係好危險,但呢個係我一個好深刻嘅童年回憶!」經過這條河就是小學,小學門外有張長椅,每朝早Yan都會在椅子等同學,然後在這裏交換美少女閃卡,她笑說:「要抽100張卡先會有一張閃卡,仲有一種閃中閃卡,一蚊一張閃卡,以前嚟講好貴㗎喇!我諗只有80後先會知咩叫閃卡,哈哈!」

難忘冬菇亭鑊氣

離開學校,Yan再在屋邨四處走走,不過很多地方已變遷,零食店士多已沒有了,變為新式食肆,走到停車場旁,發現大牌檔仍在,開心不已,她說:「唔知點解呢啲大牌檔會叫做冬菇亭,細個成日嚟食飯,熱熱鬧鬧,好有風味,其實依家呢啲冬菇亭都買少見少,但相信好多人都會好懷念佢哋嘅鑊氣同味道!」

後記:對呢度有份情意結!

Yan說長大後家人住在港島區,已甚少回來,但偶爾就會想念這裏,她說:「第一次同老公拍拖,就係嚟沙田食雞粥,對呢度有份情意結。今次返嚟都覺得變化好大,將來都想帶小朋友返嚟,畀佢知道香港嘅變化!」她說儘管將來會變成甚麼模樣,但對這個成長地的情懷永遠不會變的。